ആദ്യ കാഴ്ച്ചയിൽ ആരും ചോദിക്കും ; ഇവൻ ആൺകുട്ടി തന്നെയാണോ ? പത്തു വർഷമായി വെട്ടാത്ത തലമുടി   കൊച്ചുബാലന്റെ തലയിൽ നിന്ന് വെട്ടുന്നതും ആ മുഖത്ത് വിരിയുന്ന സങ്കടവും സന്തോഷവുമെല്ലാം മാറിമറിയുന്നതുമായ വിഡിയോയാണിപ്പോൾ സോഷ്യൽ ലോകത്തു വൈറൽ.

പത്തുവയസിനിടെ ഒരിക്കൽ പോലും കത്രിക തൊടാത്ത ആ മുടി വെട്ടിക്കളയുമ്പോൾ  കാഴ്ച്ചക്കാർക്കൊപ്പം അവനും സങ്കടം.പക്ഷേ, തന്റെ പുതിയ ഹെയർ സ്റ്റൈലിൽ തനിക്കു വരുന്ന മാറ്റം അവനെ വിസ്മയിപ്പിച്ചു, സന്തോഷവാനാക്കി. ചിരി തൂകി നിൽക്കുന്ന പത്തു വയസുകാരന്റെ മുഖം കാഴ്ചക്കാരിലും ആഹ്‌ളാദം നിറച്ചു.

Also Read

വജൈനൽ ഫിസ്റ്റുല : അറിയാം രോഗ ലക്ഷണങ്ങൾ 

ഈ വിഡിയോ  ദിവസങ്ങൾകൊണ്ട് തന്നെ 1.9 മില്യൺ പേർ കണ്ടു കഴിഞ്ഞു. വീഡിയോയെ അനുകൂലിച്ചും പ്രതികൂലിച്ചുമുള്ള വ്യത്യസ്ത കമന്റുകൾ നിറയുമ്പോഴും തന്റെ തലയിൽ തലോടി പയ്യൻ ചോദിക്കുന്നുണ്ടാവും ; 'ഇതാണോ തലവിധി !?